Իտալական Սարդինիա կղզում չորս զբոսաշրջիկների տուգանել են հազարական եվրոյով՝ տեղական լողափերից որպես հուշանվեր ավազ տանելու փորձի համար: Այս մասին գրում է The Sun պարբերականը:
Զբոսաշրջիկներին Սարդինիայից ավազ տանելն արգելող օրենքն ուժի մեջ է մտել օգոստոսի սկզբին: Նշված զբոսաշրջիկներն առաջինն են, որոնց պատժել են նոր կարգը խախտելու համար, հաղորդում է Lenta-ն: Չի նշվում, թե որ երկրից են նրանք ժամանել:
Նման արարքի համար առավելագույն տուգանքը շուրջ երեք հազար եվրո է: Սարդինիայի իշխանությունները նման քայլի են դիմել տեղի բնակիչների բողոքից, ինչպես նաեւ զբոսաշրջիկների նման պահվածքը դատապարտող մամուլի հրապարակումներից հետո: