Հռոմի Ֆրանցիսկոս պապը նոյեմբերի 27-30-ը հայրապետական այցով Մյանմարում կլինի, իսկ նոյեմբերի 30-ից դեկտեմբերի 2-ը՝ Բանգլադեշում: Այս մասին հայտնել է Սուրբ աթոռի մամուլի ծառայության ղեկավար Գրեգ Բերքը, գրում է ՌԻԱ Նովոստին:
Մյանմարում սրբազան քահանայապետը մտադիր է այցելել մայրաքաղաք Նեյպյիդո եւ երկրի խոշորագույն Յանգոն քաղաք, իսկ Բանգլադեշում կլինի մայրաքաղաք Դաքքայում:
Բերքը նշել է, որ Հռոմի պապի հերթական արտասահմանյան ուղեւորությունը կայանալու է այդ պետությունների ղեկավարների եւ կաթոլիկ եպիսկոպոսների հրավերով: Պապի այցի ծրագիրը կհրապարակվի ավելի ուշ: