Իսրայելի վարչապետ Բենիամին Նեթանյահուն Թեհրանին մեղադրել է Սիրիայում եւ Լիբանանում հրթիռներ արտադրող օբյեկտներ կառուցելու մեջ։ Նա նման հայտարարությամբ հանդես է եկել ՄԱԿ-ի գլխավոր քարտուղար Անտոնիո Գուտերեշի հետ Երուսաղեմում բանակցությունների մեկնարկից առաջ։
Նեթանյահուի խոսքով՝ Իրանը մտադիր է Սիրիան օգտագործել որպես «իր վերջնական՝ Իսրայելի ոչնչացման նպատակով ռազմական ամրապնդման համար»։ «Այդ նպատակով այն օբյեկտներ է կառուցում բարձր հստակությամբ կառավարվող հրթիռների արտադրության համար՝ ինչպես Սիրիայում, այնպես էլ Լիբանանում»,- շարունակել է Նեթանյահուն։ Նրա խոսքով՝ դա չեն կարող ընդունել ոչ Իսրայելը, ոչ ԱՄՆ-ն։
Երկուշաբթի Գուտերեշը Իսրայել եւ Պաղեստին է ուղեւորվել։ Նա հանդիպել է Իսրայելի նախագահ Ռուվեն Ռիվլինի հետ։ Օրվա երկրորդ կեսին Գուտերեշը կհանդիպի Պաղեստինի նախագահ Մահմուդ Աբասի հետ։