ԵԱՀԿ-ը նամակով դիմել է ԱՄՆ նախագահ Դոնալդ Թրամփի վարչակազմին՝ կոչ անելով դադարեցնել լրատվամիջոցների վրա հարձակումները: Ուղերձն ԱՄՆ պետքարտուղար Ռեքս Թիլերսոնին է ուղարկել ԵԱՀԿ-ի լրատվամիջոցների ազատության հարցերով ներկայացուցիչ Արլեն Դեզիրը:
Դեզիրի խոսքով՝ լրատվամիջոցների վերաբերյալ Թրամփի վերջին հայտարարությունները «խորը մտահոգություն են առաջացնում»: Նամակում հիշատակվել են ամերիկյան առաջնորդի արտահայտությունները Արիզոնայի նահանգում ելույթ ունենալիս, փոխանցում է Life.ru-ն: Այդ ժամանակ նախագահն, ավանդույթի համաձայն, լրատվամիջոցները ֆեյք էր անվանել եւ մեղադրել պատմություններ հորինելու մեջ: ԵԱՀԿ ներկայացուցչի կարծիքով՝ նախագահի նման հայտարարությունները լրատվամիջոցներին խանգարում են ժողովրդավարական հասարակության մեջ կարեւոր գործառույթը կատարել՝ տարբեր կարծիքների արտահայտման հարթակ ծառայել: