ՌԴ Չելյաբիսնկի մարզի Մագնիտոգորսկ քաղաքում անհայտ անձը գնդակահարել է հայ ձեռներեց Կամո Հարությունյանին։
Ռուսաստանի ՔԿ-ի մարզային վարչության ներկայացուցիչ Վլադիմիր Շիշկովը նշել է, որ երեկ երեկոյան տներից մեկի մերձակայքում հայտնաբերվել է 36-ամյա գործարարի՝ հրազենային վնասվածքներով դին։
Իրավապահ մարմիններում Lenta-ի աղբյուրն ասել է, որ օգոստոսի 29-ին ուշ երեկոյան ձեռներեց Կամո Հարությունյանն ուղղվել է դեպի իր տան շքամուտք։ «Այդ պահին նրան է մոտեցել անհայտ անձը։ Վկաների խոսքով՝ տղամարդկանց միջեւ ձայնի բարձր հնչերանգով կարճատեւ զրույց է տեղի ունեցել։ Հետո անհայտ անձն ատրճանակից կրակ է բացել՝ գործարարի ուղղությամբ ավելի քան 10 փամփուշտ արձակելով»,- ասել է աղբյուրը։
Ստացված վերքերից Հարությունյանը տեղում մահացել է, իսկ անհայտ անձն անհետացել է։ Ըստ հիմնական վարկածի՝ սպանության պատճառը բիզնեսի համար վեճն է. զոհն ու մարդասպանը նախկինում ծանոթ են եղել։ Սակայն ստուգվում են նաեւ սպանության մյուս հնարավոր դրդապատճառները։
Կամո Հարությունյանը Մագնիտոգորսկի հայկական սփյուռքի ղեկավարներից էր։
