Հռոմի Ֆրանցիսկոս պապն ու Բարդուղիմեոս պատրիարքը կոչ են արել պատասխանատվություն ստանձնել այսօրվա բնապահպանական ճգանաժամի համար։ Համատեղ ուղերձում նրանք նշել են, որ մարդու արժանապատվությունն ու նրա զարգացումն անքակտելիորեն կապված են Աստծո ստեղծագործության մասին հոգ տանելու հետ, հաղորդում է «Վատիկանի ռադիո»-ն։
Սակայն, ըստ հոգեւոր առաջնորդների, մենք այլ պատկերի ենք ականատես լինում. «Աշխարհի էկոհամակարգը խախտելու, մոլորակի սահմանափակ ռեսուրսները մանիպուլյացիայի ենթարկելու եւ դրանք վերահսկելու, ագահություն եւ շուկայից անսահմանափակ օգուտ քաղելու միտումի»։ «Մենք այեւս չենք վերաբերում բնությանն այնպես, ինչպես նրան աջակցողներ, այլ ավելի շուտ տիրում ենք նրան՝ այն ոչ թե ընդհանուր տուն, այլ մասնավոր գույք համարելով»։
Մարդկային միջավայրն ու բնական միջավայրը միասին դեգրադացվում են, եւ այդ ամենը հիմնականում ազդում է ամենախոցելիների վրա։ Այսպես, կլիմայական փոփոխություններն առաջին հերթին ազդում են աշխարհի տարբեր անկյուններում բնակվող աղքատների վրա։