ԱՄՆ նախագահ Դոնալդ Թրամփը մտադիր է NASA-ի տնօրենի պաշտոնում առաջարկել հանրապետական կոնգրեսական Ջեյմս Բրայդենսթինին: Այս մասին հաղորդում է Սպիտակ տան մամուլի ծառայությունը:
Բրայդենսթինը, որը հունիսին 42 տարեկան դարձավ, 2013 թվականից ԱՄՆ Ներկայացուցիչների պալատում ներկայացնում է Օքլահոմա նահանգը: Նա զինված ուժերի եւ գիտության, տիեզերքի եւ տեխնոլոգիաների հանձնաժողովների անդամ է:
Բրայդենսթինը կարիերան սկսել է որպես ռազմածովային ավիացիայի օդաչու, մասնակցել է Իրաքի եւ Աֆղանստանի գործողություններին: Ծառայությունն ավարտելուց հետո նա ղեկավարել է Օքլահոմայի թանգարանը, ծառայել նահանգի ազգային գվարդիայի ավիացիայում, գրում է ՌԻԱ Նովոստին: