Արեւային համակարգի մոտով անցնող աստղերը կարող են դեպի ներս «հրել» մահաբեր գիսաստղեր՝ այսպես կոչված Օորտա ամպից։ Իսկ դա կարող է վտանգավոր լինել նաեւ Երկրի համար։ Նման վտանգի մասին հայտնել են Մաքս Պլանկի միության աստղագիտության ինստիտուտի գիտնականները։ Բացի դրանից՝ հետազոտողները հաշվարկել են բոլոր հնարավոր ռիսկերը այն տեղեկությունների հիման վրա, որոնք ստացել են ESA Gaia արբանյակից, հայտնում է «ՌԳ»-ն։
«Բոլոր այդ հարյուրավոր աստղերը բավականին մոտ տարածության վրա կգտնվեն եւ կարող են Օորտա ամպից գիսաստղերն Արեւային համակարգ ուղարկել»,- նշում է Աստղագիտության ինստիտուտի պաշտոնական կայքը։
Մասնագետները նշում են, որ Երկրի բախումը նման գիսաստղի հետ կարող է տիեզերական աղետի պատճառ դառնալ։ Որպես օրինակ ներկայացվում է դինոզավրերի ճակատագիրը, որոնք ենթադրաբար անհետացել են 66 մլն տարի առաջ Երկրի վրա գիսաստղ կամ աստղակերպ ընկնելու հետեւանքով։
