Վրաստանում այսօր՝ սեպտեմբերի 3-ին մեկնարկած ՆԱՏՕ-ի «Agile Spirit 2017» զորավարժություններին Հայաստանը հրաժարվել է մասնակցել։
Թե ինչու է Հայաստանը հրաժարվել մասնակցել ՆԱՏՕ-ի «Agile Spirit 2017» զորավարժություններին, NEWS.am-ը փորձեց պարզաբանում ստանալ ՀՀ պաշտպանության նախարարի մամուլի քարտուղար Արծրուն Հովհաննիսյանից, որը, սակայն, չցանկացավ մեկնաբանել ՊՆ-ի այդ որոշումը։
«Ես չեմ մեկնաբանում»,- նշել է Հովհաննիսյանը։
apsny.ge-ն հաղորդում է, որ ՆԱՏՕ-ի «Agile Spirit 2017» զորավարժություններին մասնակցում է Վրաստանը, ԱՄՆ-ն, Բուլղարիան, Ռումինիան, Ուկրաինան․ զորավարժություններին մասնակցելու համար Վրաստանում է ԱՄՆ 500 զինծառայող։
2011թ․ սկսած «Agile Spirit 2017» զորավարժությունն ամեն տարի անցկացվում է, այս տարի այն կավարտվի սեպտեմբերի 11-ին՝ ցուցադրական վարժանքներով:
Զորավարժությունների մեկնարկը տրվել է Ախալցխայում, բացման արարողությանը մասնակցել են Վրաստանի նախագահն ու պաշտպանության նախարարը: