Հյուսիսային Կորեայի վերջին միջուկային փորձարկումն ամենահզորն է եղել այդ երկրի նախկին բոլոր փորձարկումների համեմատ։ Այս մասին Վիեննայում հայտնել է Միջուկային փորձարկումների համընդգրկուն արգելքի մասին պայմանագրի կազմակերպության նախապատրաստական հանձնաժողովի գործադիր քարտուղար Լասսինա Զերբոն, մեկնաբանելով Հյուսիսային Կորեայի հյուսիս- արեւելքում ջրածնային լիցքի փորձարկումները։
Ֆիզիկական վերլուծությունը ցույց է տալիս, որ այդ փորձարկումն ավելի ուժեղ է եղել, քան 2016-ին կամ դրանից առաջ, հայտնել է նա։