նախընտրելի դարձնելԵրեւան-Արտաշատ ճանապարհի սկզբնամասում գտնվող «Կոնտինենտալ» ռեստորանում սեպտեմբերի 4-ի գիշերը տեղի ունեցած սպանությունից NEWS.am-ին մանրամասներ են հայտնի դարձել. մասնավորապես, սպանությունը տեղի է ունեցել հարսանիքի ժամանակ։
Սեպտեմբերի 3-ին ուշ երեկոյան նշված ռեստորանում հարսանիքի մասնակիցներից երկու հոգու միջեւ վիճաբանություն է եղել։ Նրանցից մեկի որդին հորը պաշտպանելու նպատակով միջամտել է վիճաբանությանը։ Դրսում վիճաբանությունը վերածվել է ծեծկռտուքի, որի ժամանակ 25-ամյա երիտասարդը դանակահարվել է։ Նա տեղափոխվել է հիվանդանոց, սակայն կյանքը փրկել չի հաջողվել։
Վերջինիս հայրը նույնպես կտրած-ծակած վնասվածքներով տեղափոխվել է հիվանդանոց։ Ոստիկանությունն ավելի ուշ հայտնել են, որ մահացածը 25-ամյա Ստեփան Մինասյանն է, իսկ նրան դանակահարության մեջ կասկածվող անձը 21-ամյա Հարությունը, որը հիվանդանոցում է՝ ալկոհոլային թունավորում ախտորոշմամբ։ Նա գտնվում է ոստիկանների հսկողության ներքո։ Մենք տեղեկացել ենք նաեւ, որ մահացած երիտասարդը վերջերս էր ամուսնացել, կինը հղի է։ Նշված դեպքով հարուցվել է քրեական գործ, կատարվում է նախաքննություն։
