Ուկրաինայի Արդարադատության նախարարությունը Վրաստանի Գլխավոր դատախազությունից Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլիին կալանավորելու եւ արտահանձնելու հարցում է ստացել։ Այս մասին հայտարարել է եվրաինտեգրման հարցերով Ուկրաինայի արդարադատության փոխնախարար Սերգեյ Պետուխովը, հաղորդում է segodnya.ua-ն։

«Ուկրաինան Միխայիլ Սաակաշվիլիին հետախուզման, կալանավորելու եւ արտահանձնելու հարցում է ստացել։ Վրաստանի Գլխավոր դատախազության հարցումն ուղղված է Ուկրաինայի Գլխավոր դատախազությանը»,- Կիեւում մամուլի ասուլիսի ժամանակ ասել է նա։