News
Լրահոս
News
Չորեքշաբթի
Հուլիս 24
Տեսնել լրահոսը

Այս տարին անցավ աննախադեպ թանկացումների ալիքի վրա. հունվար ամսվա դրությամբ գնաճը կազմում է 8.1 տոկոս, նախորդ տարվա նույն ժամանակահատվածի նկատմամբ գնաճը կազմում է 9.6 տոկոս: Այս մասին այսօր` դեկտեմբերի 7-ին ԱԺ ամբիոնից հայտարարեց «Ժառանգություն» խմբակցության պատգամավոր Արմեն Մարտիրոսյանը:

«Շարքային քաղաքացիներին առաջին հերթին հետաքրքրում է առաջին անհրաժեշտության ապրանքների եւ ծառայությունների գները, որոնց վրա են ծախսվում մեր եկամուտների գերակշիռ մասը: Իսկ այս առումով գնաճը շատ էական տոկոս է կազմում, եւ աճը գնահատվում է տասնյակ տոկոսներով: Այս փաստը որոշակիորեն արձանագրվել է սպառողական նվազագույն զամբյուղի ցուցանիշում, որը, ըստ Ազգային վիճակագրական ծառայության տվյալների, երրորդ եռամսյակում կազմում է 43.500 դրամ: Մինչդեռ նվազագույն աշխատավարձը կազմում է 30.000 դրամ: Թե իրականում որքան է սպառողական նվազագույն զամբյուղը, փորձագիտական շրջանակների կողմից տրվում է տարբեր չափեր, եւ դրանք բոլորն ավելի բարձր են քան 43.500 դրամը: Բայց գնաճային գործընթացները կանգ չեն առել եւ հաջորդ տարի էլ կարունակվեն, հատկապես, եթե նկատի առնենք գազի գնի սպասվող աճը եւ մեր տնտեսության գրեթե բացարձակ մոնոպոլ կարգավիճակը»,- հայտարարեց նա, նկատելով, որ այդ ֆոնին կառավարությունը եւ ԱԺ մեծամասնությունը դեմ քվեարկեցին «Ժառանգության» առաջարկությանը, նվազագույն աշխատավարձը 2011-ին սահմանել 45.000 դրամ եւ նվազագույն աշխատավարձ սահմանեցին 32.500 դրամը:

Այնուհետեւ անդրադառնալով մեքենաների պարտադիր ապահովագրման գործընթացին, Մարտրոսյանն այն անվանեց պատուհաս քաղաքացիների գլխին, քանի որ այն հավելյալ ֆինանսական բեռ է դնում դնում բնակչության վրա: «Նույնիսկ այնպիսի գովազդային արշավ կազմակերպելու արդյունքում, որը իր ծավալներով գերազանցում է համապետական ընտրությունների քարոզարշավին, միեւնույն է քաղաքացիները ոչ ցանկություն եւ ոչ էլ հնարավորություն ունեն այդ պարտականությունը կրելու: Ներկա իշխանությունները փոխարեն թեթեւացնելու քաղաքացիների առանց այդ էլ դժվար կյանքը, հավելյալ դժվարություններ են ստեղծում նրանց համար, ինչը առաջացնում է արդարացի դժգոհություն ու ընդվզում»,- ասաց նա, նշելով, որ երեկ արդեն մի խումբ վարորդներ ինքնակազմակերպման միջոցով նման բողոքի միջոցառում են իրականացրել:

«Ես ողջունում եմ ձեր քաղաքացիական կեցվածքը եւ կոչ եմ անում վճռականորեն կանգնել մեր բոլորիս խաթարված իրավունքների վերականգնման պայքարի շարքերում: Համոզված եղեք, որ «Ժառանգությունը» վճռական կանգնած է այդ պայքարի առաջին գծում եւ մինչեւ վերջ պայքարելու է մեր իրավունքների վերականգնման համար: Մենք մեր միասնական գործողությունների մասին կհայտարարենք այս քառօրյայից հետո»,- իր խոսքն ամփոփեց ընդդիմադիր պատգամավորը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ».2023-ին բյուջեյի պակասուրդը կազմել է -179 մլն դրամ. Իշխանությունը փորձում է «կայուն պահել» տնտեսական վիճակը
«Թե՛ կառավարության անդամները, թե՛ պատգամավորներն անդրադարձել են ամենատարբեր հարցերի, եւ ես...
Դոլարի փոխարժեքն աննշան աճել է. եվրոն էժանացել է
ԱՄՆ դոլարի փոխարժեքն այսօր՝ հուլիսի 23-ին, կազմել է...
Եկամտային հարկի տարեկան հայտարարագիրը սահմանված ժամկետում չներկայացնելը առաջացնում է նախազգուշացում և տուգանք. ՊԵԿ
«Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքի համաձայն համարվում են իրական շահառու...
«Հրապարակ». Ագրարայինն անմխիթար վիճակում է. ինչպես են 1-2 հոգանոց կուրսերում կազմակերպվելու որակյալ կրթություն
Այնպես որ, Ագրոբիզնես եւ ֆինանսներ ֆակուլտետի 29 դիմորդի փաստն ուղղակի նախանձելի ցուցանիշ է...
«Ժողովուրդ». 2050-ին ՀՀ բնակչությունը պիտի հասներ 5մլն-ի. Արցախից բռնի տեղահանվածներով այն ավելացել է 53 000-ով
Հարկ է նշել, որ ՀՀ մշտական բնակչության ցուցանիշների մեջ ներառված է մինչեւ 2024 թվականի հունվարի 1-ը...
Աբու Դաբիում կանցկացվի Հայաստան-ԱՄԷ գործարար համաժողով
ԱՄԷ Աբու Դաբի քաղաքում հոկտեմբերի 8-10-ը նախատեսվում է անցկացնել…
Ամենաշատ
Ֆոտոռեպորտաժներ