Արբեջանում ազգային մամուլի օրվա առթիվ նախագահ Իլյամ Ալիեւը հայտարարել է լրագրողներին 255 բնակարաններով պարգեւատրելու մասին: 4 տարի առաջ նա նվիրել է 155 բնակարան եւ երկու անգամ էլ ասել է նույն բառերը. «Ադրբեջանում ապահովվում է խոսքի ազատությունը»: Սակայն Ալիեւը, խոսելով ազատության մասին, իրեն պահում է ինչպես բռնակալ։ Այս մասին նշված է Washington Post-ի խմբագրական հոդվածում:
Հոդվածում նշվում է, որ երկրի նախագահի պաշտոնոմ հորը փոխարինած Ալիեւը կառավարում է վախի օգնությամբ եւ պարգեիատրում է նրանց, ովքեր իրեն հավատարիմ են: Դիտարկենք վերջին օրինակը. Ադրբեջանի իշխանությունները բանտ են նստեցրել Թուրան գործակալության խմբագրին ՝ Մեհման Ալիեւին: Իշխանությունները նաեւ սկսել են հետաքննել մեդիախմբի գործունեությունը՝ մեղադրելով հարկերից խուսափելու եւ այլ իրավախախտումների մեջ: Բոլոր պնդումներն, ըստ երեւույթին, խմբագրին վախեցնելու փորձեր են: «1990-ին հիմնված Թուրան գործակալությունը լայն սպեկտրով պատմում էր քաղաքական, տնտեսական եւ սոցիալական խնդիրների մասին, սակայն, ինչպես երեւում է, նախագահին ավելի զայրացրել է ոչ լոյալ լինելու մասին ակնարկը»,- գրում է թերթը:
Համաձայն Ազատություն ռադիոկայանի՝ տպագրության տոնից ոչ շատ առաջ Ալիեւը հրապարակայնորեն հայտարարել էր, որ 3 տարի առաջ կառավարությունն իրեն խնդրել է նշել անվճար բնակարան ստանալուն հավակնող լրագրողների անունները: Նա ասել է, որ հրաժարվել է՝ պնդելով, որ լրագրողները պետք է մնան անկախ, իսկ կառավարությունից նվերներ ստանալը հավասար է կաշառքի: Այնուհետեւ՝ մի քանի շաբաթվա ընթացքում, սկսեցին հետապնդումները:
Հոդվածում նշվում է, որ իշխանությունները գործակալության գրասենյակում հետախուզություն են իրականացրել եւ Ալիեւին վերցրել են կալանքի տակ 3 ամիս ժամկետով: Եթե նրան դատապարտեն, նրան սպառնում է առավելագույնը 7 տարի ազատազրկում:
«Թուրանի ղեկավարը միայնակ չէ, այլ լրագրողներ եւ բլոգերներ եւս շարունակում են տանջվել Ադրբեջանի բանտերում: Նրանք բոլորը պետք է ազատ արձակվեն: Միաժամանակ ոչ ոք չպետք է խաբվի ազատ մամուլի մասին նախագահի շողոքորթ բառերին ու նրա՝ լրագրողներին կաշառելու ագրեսիվ պրակտիկային: Ճշմարտությանը չի կարելի փակել բանտում կամ կաշառել»,- եզրափակում են հեղինակները: