ԱՄՆ նախագահ Դոնալդ Թրամփի՝ Կարիբյան կղզիներում գտնվով բազմամիլիոնանոց առանձնատունը գտնվում է հենց «Իրմա» փոթորիկի ճանապարհին։ 5-րդ մակարդակի վտանգ ներկայացնող փոթորիկը շարժվում է ուղիղ Թրամփի կալվածքի վրա,որը հայտնի է Le Chateau des Palmiers կամ Castle of the Palms անունով, հայտնում է Miami Herald-ը։ ԱՄՆ նախագահը 11 ննջարան ունեցող առանձնատունը գնել էր թրասթային հիմնադրամի միջոցով իր նախագահության օրոք շահերի բախումից խուսափելու համար։
Առանձնատունը գնահատվում է 28 մլն դոլար։ Թրամփը հայտարարել է, որ վարձակալում է տարածքը՝ այն գնահատելով 25-50 մլն դոլար։
«Իրմա» փոթորիկը սպառնում է Թրամփի սեփականությանը ինչպես Կարիբյան կղզիներում, այնպես էլ՝ Ֆլորիդայում, եթե փոթորիկը հասնի այնտեղ։