ԵԽԽՎ–ն ողջունում է ցանկացած նախաձեռնություն, որն ուղղված է Վեհաժողովի շրջանակում ենթադրյալ կոռուպցիայի վրա լույս սփռելուն։ Այս մասին ասել է Վեհաժողովի ավագ փոխնախագահ սըր Ռոջեր Գեյլը։
ԵԽՎՎ պաշտոնական կայքում հրապարակված նրա մեկնաբանությունը հաջորդել էր «խավիարային դիվանագիտության» հետ կապված մի շարք լրատվամիջոցների եւ Կաշառակերության ու կազմակերպված հանցագործությունների նախագծի համատեղ հրապարակումներին։
«Մենք կարող ենք միայն կրկնել ապացույցներ ներկայացնելու կոչը։ Ապացույցը պետք է ներկայացնի 2017-ի հունիսին ԵԽԽՎ–ում ձեւավորված հետաքննության անկախ մարմինը։ Այս պահին այն սկսել է իր աշխատանքը եւ ԵԽԽՎ նախկին պատվիրակների ու անդամների դեմ կաշառակերության եւ շահերի առաջմղման մասին պնդումների հարցով մանրամասն անկախ հետաքննություն է վարում»,– հավելել է նա։
Սըր Ռոջերը բոլոր ցանկացողներին առաջարկել է հիմնավոր ապացույցները ներկայացնել [email protected] հասցեով։
