«Հյուսիս-Հարավ» բետոնե մայրուղու շինարարության ընթացքում վատնումների մասին հայտարարությունները չափազանցված են։ Այս մասին սեպտեմբերի 7-ին՝ Կառավարության նիստից հետո, լրագրողներին ասել է տրանսպորտի, կապի եւ ՏՏ նախարար Վահան Մարտիրոսյանը։
Նրա խոսքով՝ մամուլում լուրեր են շրջում, թե մայրուղու 31 կմ–ի համար 150 մլն դոլար է ծախսվել, իսկ իրականում միայն 70 է։ Մնացած գումարով հողային աշխատանքներ են իրականացվել եւ 11 կմ բետոն է փռվել։ Սակայն այդ հատվածները դեռեւս չեն հանձնել շահագործման։