Խաղողի այգիներ ես չունեմ, ունեն իմ ընտանիքի անդամները, իրենք են զբաղվում, ես անձամբ չեմ զբաղվում: Այս մասին, այսօր՝ սեպտեմբերի 7-ին, կառավարության նիստից հետո լրագրողների հետ զրույցում նշել է Գյուղատնտեսության նախարար Իգնատի Առաքելյանը՝ հավելելով, որ խաղաղագործությունն իրեն միշտ էլ հետաքրքրել է:
Հարցին, թե գյուղոլորտում 3 տոկոսով արտոնյալ վարկերը որքանով կնպաստեն, որ պարտքեր չկուտակվեն մթերման գործընթացում, Իգնատի Առաքելյանը պատասխանեց. «Ոչ, դա երաշխիք չէ, դա երաշխիք է մթերողներին, որ օգտվեն վարկերից եւ ժամանակին վճարեն գյուղացիներին»:
