Երեւանի քաղաքապետի տեղակալ Արամ Սուքիասյանը եւ Սանկտ Պետերբուրգում ՀՀ գլխավոր հյուպատոս Հրայր Կարապետյանը ներկա են գտնվել ՌԴ հյուսիսային մայրաքաղաքում անցկացվող Երեւանի օրերի շրջանակում «Իմ Երեւան» խորագրով ցուցահանդեսի հանդիսավոր բացման արարողությանը:
Սանկտ Պետերբուրգի կիրառական արվեստի թանգարանում բացված ցուցահանդեսի շրջանակում ներկայացվել են պետերբուրգյան նկարիչներ Օլգա Վեսելովայի, Կոնստանտին Կոնստանտինովի, Լեւոն Բեյբությանի աշխատանքները, որոնք հայացք են՝ ուղղված Հայաստանի ու քաղաքամայր Երեւանի ինքնատիպ ճարտարապետությանը, քաղաքային ու գյուղական կյանքի առանձնահատկություններին, ինչպես նաեւ յուրովի ծանոթացնում են երկրի բնակչության հետ:
Սանկտ Պետերբուրգի կիրառական արվեստի թանգարանում բացված ցուցահանդեսը կգործի սեպտեմբերի 7-26-ը: