Վրաստանում այս գիշեր տեղի ունեցած վթարի հետեւանքով մահացած 43-ամյա Լուսինե Մինասյանը եւ նրա որդին՝ 7-ամյա Մաքսիմ Մինասյանը Ռուսաստանի քաղաքացիներ են: Այս մասին, այսօր՝ սեպտեմբերի 7-ին, լրագրողների հետ հանդիպման ժամանակ նշել է ՀՀ ԱԻՆ Փրկարար ծառայության փոխգնդապետ, Ճգնաժամային կառավարման ազգային կենտրոնի օպերատիվ հերթափոխի պետ Հրանտ Ճաղարյանը։
«Վիրավորներն են 1993 թվականին ծնված Ալինա Մինասյանը, 1980 Ռոման Հայրապետյանը, եւ 2005 թվականին ծնված Անուշիկ Մալխասյանը։ Երեքն էլ Մցխեթա բուժկենտրոնում են գտնվում։ Ռոման Հայրապետյանի վիճակը գնահատվում է ծանր, մնացած երկուսինը՝ ծայրահեղ ծանր», - ասաց նա՝ ընդգծելով, որ Անուշիկ Մալխասյանը ՀՀ քաղաքացի է, իսկ Ալինա Մինասյանն ունի երկքաղաքացիություն։
Հրանտ Ճաղարյանի խոսքով՝ ավտոբուսում տուժածների վերաբերյալ առայժմ տեղեկություն չկա. «Հավանաբար ավտոբուսում ոչ ոք չի տուժել։ Ստացել են թեթեւ վնասվածներ, քանի որ ավտոբուսից ոչ ոք չի հոսպիտալացվել»։
Վերջինս ընդգծեց, որ վթարի պատճառները ճշտվում են։ Ըստ նախնական վարկածի՝ «Մերսեդես» մակնիշի ավտոմեքենան բախվել է մարդատար ավտոբուսին։