Եվրոպան պետք է ստեղծի կառույցներ՝ ապագա ճգնաժամներն առանց «երրորդ կողմերի» ՝ օրինակ Արժույթի միջազգային հիմնադրամի ֆինանսական աջակցության հաղթահարելու համար։ Այս մասին հայտնել է Հունաստանի վարչապետ Ալեքսիս Ցիփրասը։
«Եվրոպան պետք է համապատասխան կառույցներ ստեղծի, որպեսզի հնարավորություն ունենա լուծել իր խնդիրները, օգտագործելով իր սեփական կառույցները, ֆինանսավորման իր սեփական գործիքները»,- լրագրողներին ասել է Ցիփրասը Աթենքում Ֆրանսիայի նախագահ Էմանուել Մակրոնի հետ համատեղ մամուլի ասուլիսի ժամանակ։ «Մենք պետք է առաջ շարժվենք այդ ուղղությամբ, որպեսզի Եվրոպան կարողանա կարգավորել իր խնդիրները՝ առանց երրորդ կողմերի աջակցության»,- ասել է նա։