Մեքսիկայում ուժգին երկրաշարժի հետեւանքով զոհերի թիվը հասել է 15-ի։ AP-ի հաղորդմամբ՝ հիմնականում զոհեր գրանցվել են Օախակայում, որը էպիկենտրոնի մերձակայքում է գտնվում։
Հարյուրավոր շինություններ փլուզվել կամ վնասվել են, շուրջ 2 մլն մարդ առանց էլեկտրականության է մնացել։ Անվտանգության նկատառումներից ելնելով՝ երկրի իշխանությունները 11 նահանգներում դպրոցները փակելու որոշում են կայացրել։
ԱՄՆ երկրաբանական ծառայությունն առնվազն 4․0 մագնիտուդով 20 հետցնցում է արձանագրել։ Նախագահը զգուշացրել է հնարավոր 7․2 մագնիտուդով հետցնցման հավանականության մասին։
