News
Լրահոս
News
Չորեքշաբթի
Հունվար 17
Տեսնել լրահոսը

Եվրասիական տնտեսական միությունից Հայաստանի դուրս գալու վերաբերյալ «Ելք»-ի օրենսդրական նախաձեռնությունը առայժմ խորհրդարանական այլ ուժերի կողմից հավանության չի արժանանում։ ՀՀԿ-ՀՅԴ կոալիցիոն զույգը այս միությունում Հայաստանի գտնվելու վերաբերյալ առարկություն չունի, ավելին՝ ՀՀԿ խմբակցության ղեկավար Վահրամ Բաղդասարյանը NEWS.am-ի հետ զրույցում կասկածներ էր հայտնել, որ այդ  նախաձեռնությամբ նրանք փորձում են դուր գալ ինչ-որ ուժերի։

«Ծառուկյան» դաշինքում ծանրակշիռ ապացույցներ են պահանջում այդ միությունում գտնվելու ժամանակաշրջանում Հայաստանի ձեռքբերումների ու ձախողումների առումով։ Ամեն դեպքում, Հայաստանի՝ ԵՏՄ-ից դուրս գալու օրենսդրական նախաձեռնության վերաբերյալ «Ծառուկյան» խմբակցությունում դեռեւս քննարկում չի եղել եւ քաղաքական դիրքորոշում չի ձեւավորվել, ինչի պատճառով խմբակցության ակտիվ պատգամավորները դեռեւս հրաժարվում են կարծիք հայտնել։ Հիշեցնենք, որ ԲՀԿ-ն  ԵՏՄ-ի կազմում անդամագրվելու նախագծին կողմ էր քվերակել։ Խմբակցության պատգամավոր Սերգեյ Բագրատյանը NEWS.am-ի հետ զրույցում «Ելք»-ականներին առաջարկեց նախ միանալ իրենց ծրագրերին։

«Նման հզոր գործընթաց ձեռնարկելիս՝ պետք է կշռադատել, վերլուծել, հաշվարկել ռիսկերը, արդեն իրողություն է ԵՏՄ-ի կազմում Հայաստանի լինելը։ Էս պահին մենք պետք է հիմնավորենք՝ ինչու ենք դուրս գալիս եւ որն է այլընտրանքը։ Այն գործառույթները, որոնք ի վիճակի ենք իրականացնելու ԵՏՄ-ի շրջանակում արդյոք ի վիճակի ենք իրականացնել այլ կառույցի մեջ։ Ունե՞ն հստակ քաղաքականություն դուրս գալուց հետո ինչ պետք է անենք։ ԵՏՄ-ում բազմաթիվ տնտեսական շահեր ենք սպասարկում։ Իրենց այլընտրանքը ո՞րն է»,-հռետորական հարցադրում հնչեցրեց պատգամավորը։

Մեր դիտարկմանը, որ «Ելք» դաշինքը մանրակրկիտ ներկայացրել է բոլոր ոլորտներում արձանագրված ձախողումները, պատգամավորը հակադարձեց․ «Տնտեսական առումով դեռեւս հիմնավորված եւ ապացուցված չէ ԵՏՄ-ի կազմում լինելը մեզ օգնում է, թե՞ խանգարում է։ Այս պահին չկան թվեր, որ մենք վերլուծենք ու ասենք, որ վնաս տվեց ԵՏՄ-ի մեջ մտնելը»։

Ծանրակշիռ ապացույցներ պահանջող նախկին մարզպետը, հանկարծ հիշեց իրենց դաշինքի ոչ պակաս «մրցունակ» ծրագրի մասին եւ առաջարկեց մինչ ԵՏՄ-ից դուրս գալու գործընթացը սկսկելը, երկրի խնդիրներով մտահոգները նախ միանան իրենց15 կետանոց նախընտրական ծրագրին։

«Այնպես չի, որ մենք որեւէ դաշինքի ծրագրային ծիրում փորձելու ենք տեղավորվել։ Մենք ունեն մեր ծրագրերը, իրենք պետք է մտածեն մեր ծրագրերին միանալու են, թե ոչ։ «Ծառուկյան» դաշինքը լավագույն 15 կետով ծրագիր ունի։ Եթե մտահոգ են երկրի տնտեսական զարագացման խնդիրներով պետք է միանան այդ 15 կետին»,-հայտարարեց պատգամավորը՝ ընգծելով, որ այլոց ծրագրերը իրենց հետաքրքրում են այնքանով, որքանով որ աղերս ունեն իրենց 15 կետի հետ։ ««Ծառուկյան» դաշինքը աջակցելու է այն բոլոր նախաձեռնություններին, որոնք ուղղված են մեր ծրագրի իրականացմանը։ Այդ ձեր նշած նախաձեռնության մեջ «Ծառուկյան» դաշինքի ծրագրային դրույթները ներառված չեն»։

Հիշեցնենք, որ ԱԺ «ԵԼՔ» խմբակցությունում ընդունվել է որոշում օրենսդրական նախաձեռնության կարգով «Հայաստանի Հանրապետության մասով Եվրասիական Տնտեսական Միության Պայմանագրի գործողությունը դադարեցնելու գործընթաց սկսելու վերաբերյալ» Աժ հայտարարության նախագիծ ներկայացնելու վերաբերյալ։

Ըստ «Ելք»-ի՝ Հայաստանի Հանրապետության՝ Եվրասիական տնտեսական միությանը միանալու արդյունքում էական հետընթաց է տեղի ունեցել սոցիալ-տնտեսական մի շարք ոլորտներում, ինչպես նաև չի ամրապնդվել Հայաստանի Հանրապետության անվտանգությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջ
ԵԱՏՄ մաքսատուրքերի փոփոխությունը էական գնաճի չի հանգեցնի. Արտակ Շաբոյան
Խոսքը ընդհանուր առմամբ սոցիալական նշանակության 4-5 ապրանքի մասին է...
Սպեկուլյատիվ թանկացումներ են լինելու շուկայում եղանակ թելադրողների կողմից. Գագիկ Մակարյան
Հայաստանում թանկացումների պատճառը ոչ միայն որոշ ապրանքատեսակների ակցիզային դրույքաչափերի բարձրացումն է, այլեւ եվրոյի ու դոլարի փոխարժեքների բարձրացումը, որը 2018-ին կպահպանվի...
ՌԴ կառավարությունը հավանություն է տվել մակնշման մասին ԵՏՄ համաձայնագրի նախագծին
Ռուսաստանի վարչապետ Դմիտրի Մեդվեդեւը հայտարարել էր, որ պետք է արագացնել ԵՏՄ շրջանակներում տարբեր խմբերի ապրանքանշումը․․․
Հայաստանում օբյեկտիվ եւ սուբյեկտիվ պատճառներով գնաճի ազդեցությունը չափազանց բացասական է. Բոստանջյան
«Մինչդեռ գնաճը բոլոր ժամանակների տնտեսության անբաժանելի մասն է...
Այլ կարծիք «Ծառուկյան» դաշինքից․ Ռուսաստանի եւ Արեւմուտքի առճակատման պատճառով նոր մարտահրավերների առաջացման վտանգ չկա
Հայաստանը, լինելով Եվրասիական տնտեսական միության կազմում, պետք է շատ նուրբ եւ նորմալ հարաբերություններ պահպանի Եվրամիության հետ․․․
ԵՏՄ Մաքսային օրենսգիրքն ուժի մեջ է մտել. ո՞ւմ խնդիրները այն կհեշտացնի
Ըստ նրա, եթե ստուգումների ընթացքում պարզվի, որ Արտաքին տնտեսական գործունեության որեւէ անդամ մաքսային մարմինների վստահությունը չարաշահում...
Ամենաշատ
Ֆոտոռեպորտաժներ
Partner news