Այսօր աշխարհում իրավիճակն ավելի վտանգավոր է, քան երբեւէ այս սերնդի համար: Այս մասին Guardian-ին տված հարցազրույցի ժամանակ նշել է ՆԱՏՕ-ի գլխավոր քարտուղար Յենս Ստոլտենբերգը:
Նրա խոսքով՝ հնչող մեծաքանակ սպառնալիքներն աշխարհն ավելի վտանգավոր են դարձնում: Պատախանելով այն հարցին, թե որն է եղել իր պաշտոնավարման 30 տարիների ընթացքում ամենավտանգավոր շրջանը, նա նշել է, որ այժմ ամենաանհավանական եւ անկանխատեսելի բարդ շրջանն է, քանի որ պետք է դիմադրել միանգամից մի քանի մարտահրավերների:
«Զանգվածային ոչնչացման զենքի տարածումը Հյուսիսային Կորեայում, ահաբեկիչները, անկայունությունը եւ Ռուսաստանի ավելի համառ քաղաքականությունը աշխարհն այսօր դարձնում են ավելի վտանգավոր», կարծում է նա:
