5,7 մագնիտուդով երկրաշարժ է տեղի ունեցել Մեքսիկայի ափերին՝ Թեհուանթեփեք նեղուցում: Այս մասին հայտնում է ԱՄՆ Երկրաբանական ծառայությունը (USGS):
Ստորգետնյա ցնցումները գրանցվել են շաբաթ ուշ երեկոյան՝ տեղական ժամանակով 22:07-ին (Երեւանի ժամանակով 07:07-ին): Էպիկենտրոնը գտնվում է Փարեդոն բնակավայրից 80 կմ հարավ-արեւմուտք, օջախը՝ 53 կմ խորությամբ: Զոհերի կամ ավերածությունների մասին առայժմ տեղեկություններ չեն հաղորդվում, փոխանցում է «ՌԻԱ Նովոստի»-ն:
