Սեպտեմբերի 10-ին Ճապոնիայում՝ Հոկայդու հյուսիսային կղզուց հարավ տեղի է ունեցել 5,7 մագնիտուդ հզորությամբ երկրաշարժ, ցունամիի վտանգ չկա:
Երկրի Օդերեւութաբանական գլխավոր գործակալության տեղեկություններով՝ ցնցումները գրանցվել են տեղական ժամանակով 17:44-ին: Երկրաշարժի օջախը գտնվում է 50 կմ խորությամբ, փոխանցում է «ՌԻԱ Նովոստի»-ն: Ոչ մի տեղեկություն չի հաղորդվում երկրաշարժի հետեւանքով զոհերի եւ ավերածությունների մասին: Շրջանում տեղակայված ԱԷԿ-ի աշխատանքի խափանման մասին տեղեկություններ չեն ստացվել: