Որոշ հայ մասնագետներ տիրապետում են միջուկային զենքի տեխնոլոգիաներին։ Այս մասին սեպտեմբերի 11-ին՝ Ազգային ժողովում, հայտարարեց ԿԳՆ Գիտության պետական կոմիտեի նախագահ Սամվել Հարությունյանը։

Նրա խոսքով՝ նման գիտնականներ կան ե՛ւ Հայաստանում, ե՛ւ դրա սահմաններից դուրս։ Նրանք տեղյակ են խնդրից եւ ցանկացած ժամանակ կարող են սկսել դրա շուրջ աշխատանքները։ «Բայց դժվար չէ պատկերացնել, որ նման տեխնիկական միջոցներ Հայաստանը, ցավոք, դեռ չունի»,-հավելեց Հարությունյանը։