Երկուշաբթի Ադրբեջանի նախագահ Իլհամ Ալիեւի կողմից ներման արժանացած բլոգեր Ալեքսանդր Լապշինը կալանքից ազատ է արձակվել, սակայն դժվար թե Ադրբեջանից երեքշաբթի արտաքսվի։ Այս մասինմ «ՌԻԱ Նովոստի»–ին հայտնել է բլոգերի փաստաբան Էդուարդ Չերնինը։
«Դեռեւս ոչ մի նորություն։ Լապշինն ազատ է արձակվել։ Սակայն դժվար թե երեքշաբթի Ադրբեջանից վտարվի»,– ասել է Չերնինը։ Հարցին, թե կոնկրետ ինչ խոչընդոտներ կան Լապշինի արտաքսման ճանապարհին, փաստաբանը պատասխանել է, թե ոչինչ չի կարող ասել այդ կապակցությամբ։ «Լապշինը 80 տոկոս հավանականությամբ այսօր Ադրբեջանից չի արտաքսվի։ Կեսօրից հետո ամեն բանբ պարզ կդառնա»,– ասել է փաստաբանը։
Ավելի վաղ հաղորդել էինք, որ Ադրբեջանի նախագահ Իլհամ Ալիեւի կողմից ներման արժանացած բլոգեր Ալեքսանդր Լապշինը Իսրայել իր արտահանձնումն ուշացնելու պատճառով փորձել է ինքնասպանություն գործել։ Այժմ նա բժիշկների վերահսկողության տակ է։
2016 թվականի վերջին Լապշինը Մինսկում ձերբակալվել էր Ադրբեջանի հարցման համաձայն, որը նրան «սեւ ցուցակի» մեջ էր ընդգրկել առանց Բաքվի համաձայնության Լեռնային Ղարաբաղի Հանրապետություն այցելելու պատճառով: Բելառուսի գլխավոր դատախազությունը որոշում էր ընդունել Ադրբեջանի հարցումը բավարարելու եւ Լապշինին հանձնելու մասին: Բաքվի դատարանը Լապշինին դատապարտել է 3 տարվա ազատազրկման:
