Հայաստանը միացել է ժամանակավոր ներկրումը դյուրացնելու կոնվենցիային (ATA Carnet Convention)։ Համաձայնագիրը ՀՀ Ազգային ժողովը 92 կողմ ձայնով հավանության արժանացրեց սեպտեմբերի 12-ին, փոխանցում է NEWS.am-ը։
Համաձայնագրի մասնակիցներն իրենց ավտոփոխադրողներին ժամանակավոր ներկրման գրքույկ են հանձնում (ATA Carnet)։ Այն կփոխարինի բոլոր անհրաժեշտ փաստաթղթերին՝ ապրանքի մաքսային եւ տարանցման հայտարարագրին, ինչպես նաեւ դրա դիմաց գրավին։
Նման գրքույկներ հանձնում են Համաշխարհային մաքսային կազմակերպությունն ու Միջազգային առեւտրի պալատը։ Նրանց մոտ հայկական համապատասխան կազմակերպությունը կարող է հավատարմագրվել (ամենայն հավանականությամբ, Առեւտրաարդյունաբերական պալատը), որի կսկսի այդ գրքույկները Հայաստանում տրամադրել։