Տնտեսագետ Բագրատ Ասատրյանը չի բացառում ԵՏՄ–ի եւ Թուրքիայի միջեւ ազատ առեւտրի գոտի ստեղծելու մասին համաձայնագրի կնքումը։ Այս մասին սեպտեմբերի 12-ին կայացած մամուլի ասուլիսի ժամանակ ասել է տնտեսագետ, ԿԲ նախկին նախագահ Բագրատ Ասատրյանը՝ անդրադառնալով ԵՏՄ–ին Թուրքիայի անդամակցության հնարավորությանը։
«ԵՏՄ անդամությունը կարելի է հետ գցել, քանի որ քաղաքական եւ ռազմաքաղաքական խնդիրներ կան լիարժեք անդամակցության համար, բայց ազատ առեւտրի համաձայնագիրը բնավ էլ չեմ բացառում։ Նախ ԵՄ–Թուրքիայ հարաբերություններում զարգացումներ չկան, կա ակնհայտ նահանջ։ Մինչդեռ Թուրքիան լուրջ երկիր է եւ նոր շուկաների կարիք ունի։ Այս իմաստով միանգամայն հնարավոր է այս տիպի զարգացումը։ Խոսքը միասնական տնտեսական շուկայի մասին է։ Թուրքիան շատ լուրջ տնտեսական միավոր է։ Եթե Ռուսաստանից հանես նավթային հատվածը, Թուրքիան Ռուսաստանից ավելի ուժեղ տնտեսություն ունի։ Ուստի այստեղ Ռուսաստանի շահագրգռվածություն կա»,– նշեց տնտեսագետը։