Ստամբուլահայ համայնքի «Մտքի հարթակ» նախաձեռնության անդամները Պատրիարքի ընտրություններից առաջ հայ համայնքի ներսում իրավիճակը պարզաբանելու նպատակով թուրքական հայտնի KONDA հետազոտական ընկերության միջոցով սոցհարցում են իրականացնելու։
Ինչպես տեղեկանում ենք Ստամբուլի հայկական «Ակոս»-ը «Մտքի հարթակ» նախաձեռնության անդամները նշել են, որ 8 տարի Ստամբուլահայ համայնքում պատրիարքի ընտրություններ չի անցկացվել, ինչը համայնքի ներսում հիասթափություններ է առաջ բերել։
Նշվում է, որ սոցհարցման մեջ 4 գլխավոր կետ է լինելու՝ կրթությունը եւ սոցիալական կարգավիճակը, հայկական ինքնությունը եւ հայ համայնքի վերաբերյալ անձի տեսակետները, պատրիարքի եւ պատրիարքարանի նկատմամբ տեսակետները եւ պատրիարքին ընտրության եւ ընտրություններից հետո գործընթացների հետ կապված տեսակետները։