Ավելի քան 180 փաստաբաններ այսօր գործադուլ են անում: Նրանք բողոքում են դատարաններում եւ քրեակատարողական հիմնարկներում ապօրինի զննությունների ու խուզարկությունների դեմ:
Փաստաբանները նաեւ հավաքվել են՝ քննարկելու իրենց խնդիրները: Հավաք-քննարկմանը մասնակցում է նաեւ Փաստաբանների պալատի նախագահ Արա Զոհրաբյանը:
Տարածված հայտարարությունում գործադուլին միացած փաստաբանները նշել են, որ այս քայլով ցանկանում են իրենց բողոքն արտահայտել Հայաստանում փաստաբանության հեղինակության եւ փաստաբանի մասնագիտության՝ իրավապաշտպանության նկատմամբ վերաբերմունքի այնպիսի անհանդուրժելի դրսեւորումների դեմ, ինչպիսին է փաստաբանների եւ նրանց մասնագիտական ու անձնական տիրույթների եւ պատկանելիքի անձեռնմխելիության նկատմամբ ոտնձգությունները:
