Հայաստանը Եվրասիական տնտեսական միությունը չի լքի։ Այս մասին սեպտեմբերի 13-ին լրագրողների հետ զրույցում ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Նրա կարծիքով՝ դա հասկանում են բոլորը, ներառյալ՝ «Ելք» դաշինքի ներկայացուցիչները, որոնք նման նախաձեռնություն են առաջ քաշել։ «Եվ մենք ոչ միայն դուրս չենք գա։ Համապատասխան հայտարարությունը նույնիսկ Ազգային ժողովը չի ընդունի։ Չէ՞ որ դա ակնհայտ է։ Անհարմար է անգամ այդ մասին խոսելը»,-ընդգծեց Իսկանդարյանը։
Դրա հետ մեկտեղ քաղաքագետը նշեց, որ «Ելք» դաշինքի հայտարարությունը ընտրողներ հավաքելու հերթական միջոցներից է, քանի որ այդ նպատակին հասնելու համար այլ միջոցներ չունեն։
«Դա հասարակության ուշադրությունը գրավելու հերթական միջոցն է, նմանատիպ հայտարարություններ Հայաստանի շատ ընդդիմադիր կուսակցություններ նաեւ ավելի վաղ են արել»,-եզրափակեց Իսկանդարյանը։
