Մինչեւ 2018-ի վերջ Հայաստանում բոլոր ձեռնարկությունները պետք է աղբահավաքման պայմանագրեր ունենան։ Այս մասին սեպտեմբերի 13-ին՝ Ազգային ժողովում կառավարական ժամի ընթացքում, հայտարարեց ՀՀ վարչապետ Կարեն Կարապետյանը։
Տարեվերջը վերջնաժամկետն է։ Կարապետյանը հավելեց, որ այդ աշխատանքն ավելի վաղ է պետք ավարտել։ Նա հիշեցրեց, որ վերջին մի քանի ամսում շուրջ 9 հազար ձեռնարկություն պայմանագիր է կնքել։ Ընդհանուր առմամբ, հանրապետությունում աղբահավաքությունն ավելանում է, բայց դա բավարար չէ։ Արագածոտնի մարզում այն 30 տոկոսով է ավելացել, բայց այն կարելի է 3 անգամ մեծացնել, որ այդ բոլոր վճարումները բացառապես օրինական դառնան։
«Այդ ժամանակ վճարումները մի քանի անգամ կավելանան, աղբահավաքության համար կվճարվի, իսկ պետական հավելավճարները հնարավոր կլինի ավելի խնդրահարույց ոլորտներում օգտագործել»,-ասաց ՀՀ վարչապետը։
