Այն ծրագրերը, որոնք նախանշել ենք, ժամանակի մեջ են, իրականացվում են, չունենք ուշացումներ։ Այս մասին այսօր՝ սեպտեմբերի 13-ին, Ազգային ժողովում լրագրողների հետ զրույցում ասել է բնապահպանության նախարար Արծվիկ Մինասյանն՝ անդրադառնալով վարչապետի կառավարման մեկ տարվան։
«Այն ծրագրերը, որոնք նախանշել ենք, ժամանակի մեջ են, իրականացվում են, չունենք ուշացումներ։ Մենք անում ենք այն, ինչ ամրագրված է կոալիցիոն համաձայնագրով, այս շրջանակում պետք է հարցերը հնչեն»,-ասել է դաշնակցական նախարարը։
Մեր դիտարկմանը՝ Կարեն Կարապետյանը վարչապետի պաշտոնավարման մեկ տարվա ընթացքում գյուղապետից նախարար հորոդորեց «հուպ տալ», հաջողվե՞ց իրեն «հուպ տալ» բնապահպանության ոլորոտում , Մինասյանն արձագանքեց․ «Ես չգիտեմ հարցին ինչ պատասխան եք ակնկալում, բայց փորձել ենք ակտիվ գործունեություն իրականացնել բնապահպանության ոլորտում, արդյունքները տարեկան ցուցանիշներում ու հրապարակվող գործողություններում դուք եւ հանրությունը պետք է գնահատեք, տերմինաբանության շրջանակում իմ լիազորությունների շրջանակում արել եմ առավելագույնը եւ ակտիվ եղել, ակտիվի անունը հուպ տալ կդնեք, թե այլ անուն, չգիտեմ»։