News
Լրահոս
News
Ուրբաթ
Սեպտեմբեր 22
Տեսնել լրահոսը

«Հայկական ժամանակ» թերթը գրում է. «Երեւանի ավագանու երեկվա նիստի ժամանակ իր ոչ պարկեշտ վարքով աչքի ընկած, ավագանու «Հանրապետական» խմբակցության անդամ Արմեն Սահակյանը ոչ միայն հետախուզվել է գումարների յուրացման աղմկահարույց գործով, այլ նաեւ դատապարտվել:

Armtimes.com-ին հայտնի դարձավ, որ «Ծիտ» մականունով Արմեն Սահակյանը 2007 թվականին Երեւան քաղաքի Էրեբունի և Նուբարաշեն համայնքների առաջին ատյանի դատարանի դատավճռով դատապարտվել է ՀՀ «Քրեական օրենսգրքի» 38-308 հոդվածի 2-րդ մասով նախատեսված արարքը կատարելու համար: Քրեական օրենսգրքի 308 հոդվածի 2-րդ մաս սահմանում է պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ՝ պատժվում է ազատազրկմամբ՝ երկուսից վեց տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով:

Արմեն Սահակյանը եւս 11 այլ անձի մասնակցությամբ իրականացրել է մոտ 1.5 միլիարդ դրամի յուրացում:

Դատական տեղեկատվական համակարգում Արմեն Սահակյանի դատվածության վերաբերյալ տեղեկություն չկա, քանի որ «datalex» կայքում հասանելի են միայն 2008 թվականից հետո կայացված դատական վճիռները: Դատական դեպարտամենտից մեզ հայտնեցին, որ մեզ անհրաժեշտ տեղեկատվությունը կարող ենք ստանալ դիմելով գործը քննած դատարան:

Արմեն Սահակյանը դատապարտվելու ժամանակահատվածը նրա պաշտոնական կենսագրությունում, բնականաբար, չէր կարող լինել: Երեւանի քաղաքապետարանի կայքում տեղադրված կենսագրականում Արմեն Սահակյանի գործունեության 2006-2008 թվականների ժամանակահատվածը դատարկ է: 1996-2000թթ. նա եղել է «Լևոն Աբրահամյան» ՍՊԸ-ի ավագ տնտեսագետը, իսկ 2000-2006թթ.` նույն ՍՊԸ-ի տնօրեն, իսկ 2008 թվականից եղել է 2008թ. փետրվարից մինչև 2008թ. հուլիս ամիսը եղել է տնօրենի օգնական «ՀայՌուսգազարդ»-ում:

Երեւանի ավագանու Հանրապետական խմբակցության անդամ Արմեն Սահակյանը երեկ անհարգալից տոնով էր խոսել «Ելք» խմբակցության անդամ Անահիտ Բախշյանի հետ: Վերջինիս դիմում էր «Անո», «պարոն Բախշյան»-ով: Այդ ամենից հետո վիճաբանություն էր տեղի ունեցել «Հանրապետական» եւ «Ելք» խմբակցության անդամների միջեւ»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջ
Երբ տեղեկացել է, որ Սեֆիլյանը անհնազանդության կոչեր է արել, հիասթափվել է․ ինչ է պատմում վկան
Նա նշել է, որ մեկ անգամ էլ իրեն նամակով տեղեկացրել են հանրահավաքի մասին․․․
Ոչ մի անձ իրավունք չունի դառնալու Հայաստանի սեփականատերը. Րաֆֆի Հովհաննիսյանը՝ Սերժ Սարգսյանի մասին
Մենք գտնվում ենք ինքնատիպ իրավիճակում, երբ կեղծարարությամբ ընդունված Սահմանադրությամբ Հանրապետականը դառնալու է Սերժապետություն...
Ժիրայր Սեֆիլյանը կոչով դիմել է Սեյրան Օհանյանին, Նիկոլ Փաշինյանին
Սեֆիլյանը նշել է մի շարք անուններ, որոնց թվում են Նիկոլ Փաշինյանը...
«Ժամանակ». Վարդենիսում իշխանության թեկնածուն հայտնի է. արդեն գլուխ է գովում, թե «դաբրոն» ստացել է
Տուն-ինտերնատի տնօրեն ու ապագա թեկնածուի եղբայր Արտակ Հարությունյանը ժամանակին փաստաթուղթ կեղծելու կամ խաբեության այլ ճանապարհով...
«Ժողովուրդ». Լուրջ քննարկումներ իշխանական կուլիսներում կամ ՀՀԿ-ի խրախճանք
Նախատեսված է, որ 2 տարի անց խոշորացված համայնքներում այլեւս չեն լինելու համայնքային ղեկավարի ուղղակի ընտրություններ...
«Իրավունք». Վարչապետի պաշտոնում ՀՀԿ-ն պետք է առաջադրի Սերժ Սարգսյանին. Գալուստ Սահակյան
Հոդվածագիրներ կան, որ հիմա էլ կասեն, թե ինչու Սերժ Սարգսյանը չի ասում այդ մասին, դրան էլ պատասխանեմ՝ որովհետեւ Սերժ Սարգսյանը այդ մասին ընդհանրապես որեւէ մեկի հետ չի խոսում...
Ամենաշատ
Partner news