News
Լրահոս
News
Երեքշաբթի
Հունվար 23
Տեսնել լրահոսը

«Ժամանակ» թերթը գրում է. «Միանգամայն տրամաբանական են այս օրերին հաճախակիացած քննարկումներն ու հարցադրումները կառավարության գործունեության մեկամյակի կապակցությամբ, քանի որ նշանակելով նոր վարչապետին՝ Սերժ Սարգսյանը նրան հռչակեց նաեւ փոփոխությունների խորհրդանիշ: Բայց հնչեղ «շնորհանդեսից» հետո գործնականում ստացվել է ընդամենը շատ սովորական գործունեության տարի, ամենասովորական կառավարության համար, որն իր գործունեությամբ հանրությանը թույլ չտվեց «շեղվել» 2018 թվականի վարչապետի խնդրից:

Այսինքն՝ միակ ինտրիգը, որ նոր կառավարությունն, այսպես ասած, հարուցեց անցնող մեկ տարվա ընթացքում, դա 2018 թվականի վարչապետի ով լինել-չլինելու ինտրիգն էր:

Խոսքը ոչ միայն 2017 թվականի ապրիլի 2-ի մասին է, որտեղ նոր կառավարությանը եւ վարչապետին վերապահվեց, այսպես ասած, ռեյտինգային վերարտադրության կամուֆլյաժի դերը:

Ներքին հակասությունների եւ պայքարի մեխանիզմը գործնականում ապահովում է արտաքին լճացումն ու ճահճացումը: Այդ հակադրությունները թելադրում են օրակարգ, հանրային ուշադրություն, ինչը ձեռնունայն է թողնում որեւէ ընդդիմության: Այդպիսով, Հայաստանում ընդդիմություն ասվածը գործնականում վերածվել է քաղաքական համակարգի ավելորդ տարրի: Ներկայումս բոլորն են փաստի առաջ, որ թե՛ ընդդիմության, թե՛ իշխանության, այսպես ասած, պրակտիկ գործառույթները մեկտեղված են իշխող համակարգում:

Այսպիսով, Հովիկ Աբրահամյանի կառավարությունը Սերժ Սարգսյանը փոխարինեց Կարեն Կարապետյանով, ինչպես մինչ այդ Տիգրան Սարգսյանն էր փոխարինվել Հովիկ Աբրահամյանով: Հովիկ Աբրահամյանը, սակայն, ցանկանում էր լինել բոլորի համար ընդունելի նախագահ, ինչն ընդունելի չէր արդեն Սերժ Սարգսյանի համար, քանի որ Աբրահամյանն արդեն համակարգը միավորում էր ոչ թե Սերժ Սարգսյանի շուրջ, այլ նրա դեմ:

Եկավ փոփոխությունների խորհրդանիշի ժամանակը, եւ այդ իմաստով Կարեն Կարապետյանի ընտրությունն ամենեւին պատահական չէր: Սերժ Սարգսյանին անհրաժեշտ էր գործիչ, որը մի կողմից կհամախմբի, կկոնսոլիդացնի համակարգը ինչ-որ հեռանկարի շուրջ, բայց ինքնին չի լինի այդ հեռանկարի քաղաքական պատասխանատու, չի ընկալվի այդպիսին: Կարեն Կարապետյանը գործնականում կատարում է հենց այդ դերը: Նա կոնսոլիդացնում է համակարգը, այսպես ասած, բիզնես հեռանկարների շուրջ, սակայն չի ընկալվում որպես այդ ամենի քաղաքական պատասխանատու: Իսկ քանի դեռ չկա այդ ընկալումը, Կարեն Կարապետյանը Սերժ Սարգսյանի համար չի դիտվում որպես վտանգ, հետեւաբար նրա պաշտոնավարումը վարչապետի կարգավիճակով Սարգսյանի համար ներկայումս ավելի շուտ շահեկան է, քան ռիսկային կամ վտանգավոր: Անգամ 2018-ից հետո:

Համենայնդեպս, քանի դեռ Սերժ Սարգսյանը չի տեսնում վարչապետի այլ թեկնածու, թեեւ Կարեն Կարապետյանը ներկայումս կարծես թե բավականին արդյունավետ է լուծում նվազագույն խնդիրը՝ հնարավորինս քիչ ռեսուրսով հնարավորինս կայուն եւ արդյունավետ գոյություն իշխող համակարգի համար: Դա թույլ է տալիս նաեւ պահպանել ներհամակարգային, այսպես ասած, հակադրությունների կիսաբաց ռեժիմը՝ որպես համակարգից դուրս իրավիճակի ճահճացումը երաշխավորող գործոն:

Կարեն Կարապետյանի եւ նոր կառավարության գործունեությունը դիտարկելի է այդ տեսանկյունից, հանրային եւ համակարգային փոփոխությունները չեն եղել եւ առայժմ չեն հանդիսանում այդ կառավարության առաջնային խնդիրներից: Դրանք անհամատեղելի խնդիրներ են, որովհետեւ համակարգի գոյությունն ու հանրային խնդիրների սպասարկումը խորապես իրարամերժ բեւեռներ են, կա՛մ մեկը, կա՛մ մյուսը:

Խոշոր հաշվով, որեւէ դասավորության դեպքում ներկայիս համակարգից այլ խնդրի սպասումը ընդամենը ցանկալին իրականության տեղ դնել է, քանի որ որեւէ այլ խնդրի հանդեպ լավ, վատ կամ բավարար ուշադրության մասին համակարգը կարող է մտածել լոկ այն բանից հետո, երբ կլուծի ճգնաժամից ու ռիսկերից ինքզինքը դուրս բերելու հարցը»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջ
Վերաքննիչ դատարանը քննում է Սամվել Բաբայանի բողոքը
Նրա շահերի պաշտպան Ավետիս Քալաշյանը նշել էր, որ Վերաքննիչ բողոքով պահանջել է Սամվել Բաբայանին արդարացնել երկու մեղադրանքներով էլ եւ կայացնել արդարացման դատավճիռ...
ՀԿ ղեկավար․ Հայաստանում գնաճի դեմ բողոքի ակցիաներին պետք է ավելի շատ մարդիկ մասնակցեն
Կարեւոր չէ, թե ով է այդ ակցիաների կազմակերպիչը, կարեւոր է, որ կազմակերպիչները բարի գործ են անում ու գործում են քաղաքացիների շահերից…
Ժողովուրդը վախենում է, որեւէ ընդվզման գնալուց. Վազգեն Սիսլյան
Ժողովուրդը սխալ ճանապարհով են գնում եւ սխալ պահանջներ ներկայացնում…
«Իգլա»-ի գործով վերաքննիչ բողոքի քննության օրը հայտնի է
Սամվել Բաբայանը պահանջում է արդարացնել իրեն...
Ժողովրդին հանել ենք փողոց նշված հարցի լուծման համար, ոչ թե ասում ենք՝ գնում ենք իշխանափոխության. Սասուն Միքայելյան
Էսքան ժամանակ մարդիկ միանգամից բարձր նիշ են վերցրել, առանց ժողովրդին տրամադրելու հաղթական արդյունքի տարել են արտագաղթի...
«Առավոտ». «Տո, քեզ պե՞տք ա». Բողոքի լատենտ վիճակի պատճառները
Ենթադրենք, մարդն իր մեքենան գազ էր լցնում 3 հազար դրամի, իսկ հիմա դա անում է 4 հազարով, եւ ենթադրենք, որ դա անում է ամիսը 10 անգամ…
Ամենաշատ
Ֆոտոռեպորտաժներ
Partner news