ՀՀ Ազգային ժողովը սեպտեմբերի 14-ին կայացած հերթական նիստի ժամանակ, առաջին ընթերցմամբ միաձայն ընդունեց «Աուդիտորական գործունեության մասին» օրենքում փոփոխությունների նախագիծ։ Օրինագծին կողմ է քվեարկել 81 պատգամավոր, փոխանցում է NEWS.am-ը։
Հիշեցնենք, որ Ազգային ժողովում այդ հարցի շուրջ հիմնական զեկուցողը ՀՀ ֆինանսների փոխնախարար Դավիթ Անանյանն է։ Վերջինս իր ելույթում նշեց, որ աուդիտորական կազմակերպությունների լիցենզավորման համակարգի համար նախատեսված հայեցակարգը վերահսկիչ գործառույթ կունենա, իսկ հիմնական կարգավորող գործառույթը Ֆինանսների նախարարությունից կփոխանցվի ստեղծված մասնագիտական կառույցին։