Կառավարությունը սեպտեմբերի 14-ի նիստում հավանություն տվեց շենքերի սեյսմակայության բարձրացման ռազմավարությանը: Նիստի ժամանակ կառավարությանն առընթեր Քաղաքաշինության պետական կոմիտեի ղեկավար Նարեկ Սարգսյանը նշեց, որ մինչեւ 2020 թվականը նախատեսված է անցկացնել շենքերի գույքագրում, բարելավել սեյսմիկության վերահսկման նորմատիվ դաշտը: Երկրորդ փուլում՝ մինչեւ 2022 թվականը, նախատեսվում է, ըստ էության, մշակել սեյսմակայունության բարձրացման ծրագրեր՝ հաշվի առնելով տեխնիկական պայմանները եւ ֆինանսական հնարավորությունները: Իսկ 2023 թվականից էլ կսկսվի  այդ ծրագրերի իրականացումը, ենթադրաբար՝ մինչեւ 2030 թվականը: