Իրաքի խորհրդարանը Քիրքուքի նահանգապետի հրաժարականի օգտին է քվեարկել: Դա պայմանավորված է այն հանգամանքով, որ վերջինս կողմ է հանդես եկել Իրաքյան Քուրդիստանի անկախության համար հանրաքվե անցկացնելուն: «ՌԻԱ Նովոսստի»–ն հայտնում է, որ նահանգապետին պաշտոնից ազատելու հարցը օրենսդիր մարմնում քննարկման է դրվել Իրաքի վարչապետ Հայդեր ալ Աբադիի առաջարկությամբ: Քիրքուքի նահանգային խորհուրդը օգոստոսի վերջին որոշել է մասնակցել նոյեմբերի 25-ին կայանալիք քվեարկությանը: Իրաքի իշխանությունը չի ճանաչում նախատեսվող հանրաքվեի լեգիտիմությունը:
