ՌԴ-ն նախատեսում է, որ Սիրիայում «Իսլամական պետությանն» աջակցող խմբավորումների դեմ պայքարը առաջիկա ամիսներին կավարտվի։ Այս մասին սեպտեմբերի 14-ին հայտարարել է ՌԴ նախագահի հատուկ հանձնակատար Ալեքսանդր Լավրենտեւը, փոխանցում է «ՌԻԱ Նովոստի»-ն։
«Վերջին ամիսներին ցամաքում դրական առաջախաղացում է գրանցվել․ սիրիական կառավարական ուժերն արգելափակումից հանել են Դեր Զորը, հաջողությամբ զարգացնում են, այսպես կոչված, ԻՊ-ի դիրքերի վրա հարձակումները»,-հայտնել է նա։
Պաշտոնյայի խոսքով՝ Ռուսաստանը հույս ունի, որ սիրիական ընդդիմության շրջանում կգերիշխի «ողջախոհությունը, եւ այն գոյություն ունեցող խնդիրների խաղաղ լուծման , կառավարության հետ շփման կետեր որոնելու դիրքորոշում կզբաղեցնի»։
