Caterham Seven SuperSprint սպորտքարի բոլոր 60 նմուշները վաճառվել են յոթ ժամում։ Դրանց կեսն ուղարկվել է Մեծ Բրիտանիայի բնակիչներին, մյուս կեսը՝ եվրոպական երկրներ։
Չնայած բոլոր մեքենաները վաճառվել են, բրիտանական արտադրողը շարունակում է պատվերներ ընդունել այն դեպքի համար, եթե գնորդներից մեկնումեկը որոշի հրաժարվել իր գնումից։ Ընկերությունը նշել է, որ այս մեքենան ամենահաջողն է իրենց պատմության մեջ, քանի որ մինչ այդ ապրանքանիշի որեւէ մոդել այդքան արագ չեն գնել։
SuperSprint մոդիֆիկացիան ստեղծվել է մրցարշավային «յոթյակի» հիշատակին, որը 60 տարի առաջ կոնստրուկտոր Քոլին Չեփմենն էր մշակել։ Մեքենայի դիզայնը նույն ոճով է՝ այդ թվում փայտյա ղեկն ու սարքավորումների պանելը՝ թվատախտակի հատուկ դիրքով։
Մեքենան արժե գրեթե 30 հազար ֆունթ սթերլինգ։