Մոսկվայում ահաբեկչությունների մասին զանգվածային կեղծ ահազանգերի գործում նոր կասկածյալներ են հայտնվել։ Ձերբակալվածները այսպես կոչված նմանակող դեռահասներ են, որոնք պայթուցիկների մասին լրատվամիջոցներում ու սոցցանցերում հաղորդագրություններից հետո որոշել են կրկնել այդ կեղծ ահազանգերը։ Ընդ որում ըստ հատուկ ծառայությունների՝ Ռուսաստանի համար այդ աննախադեպ «հեռախոսային հարձակման» կազմակերպիչները արտասահմանում են գտնվում, գրում է «Կոմերսանտը»։
Ռուսաստանի տասնյակ քաղաքներում իբրեւ տեղադրված ռումբերի մասին կեղծ ահազանգերի փաստով քրեական գործ է հարուցված։Առայժմ ընդամենը մի քանի կեղծ ահաբեկիչների է հաջողվել ձերբակալել, ովքեր հայտնել են ականապատման մասին այն բանից հետո, երբ լրատվամիջոցներն ու սոցցանցերը տեղեկացրել են կեղծ զանգվածային հեռախոսային ահազանգերի մասին։ Մասնավորապես ձերբակալվել է մի 17-ամյա տղա, որը հեռախոսով «ականապատել էր» Սպրոտի պալատը։
Պարզվել է նաեւ, որ այդ կեղծ ահազանգերի մի մասն էլ արտասահմանից է ստացվել՝ զանազան մեսենջերների միջոցով։ Այդ ահազանգերի հետեւանքով տարհանվել են տասնյակ հազարավոր մարդիկ, դադարեցվել է հարյուրավոր ձեռնարկությունների աշխատանք եւ ենթադրյալ կորուստը կարող է կազմել մոտ 1 մլրդ ռուբլի։
