Եվրասիական տնտեսական միությունից Հայաստանի դուրս գալու քարոզչությունը ոչ այլ ինչ է, քան քաղաքական շոու: Այս մասին սեպտեմբերի 15-ին ԱԺ-ում կայացած ավանդական ճեպազրույցների ժամանակ ասաց Հանրապետական խմբակցության ղեկավար Վահրամ Բաղդասարյանը:
Նրա խոսքով՝ կառավարությունը օրերս հրապարակած իր գործունեության հաշվետվության մեջ ներկայացրել է ԵՏՄ-ին երկրի անդամակցության դրական կողմերը: «Բավական է այս մանրամասն գնահատականները համեմատել այն ամենի հետ, ինչը «Ելք» դաշինքը հակադրել է դրանց: Նրանք փաստարկ չունեն, որը գոնե ինչ-որ չափով լուրջ հիմնավորված լիներ: Կարծում եմ՝ նրանք իրենք էլ են համոզված, որ իրենց գործողությունները ոչ այլ ինչ են, քան քաղաքական շոու, ուշադրության կենտրոնում գտնվելու փորձ»,- նշեց Բաղդասարյանը: