Geekbench մշակողների փորձարկումների արդյունքներով, Նոր iPhone X սմարթֆոնը ստացել է բարձր գնահատական,հայտնում է «Փրայմը»։
Geekbench-ի փորձագետները ինտերնետում տեղադրել են iPhone X հոբելյանական սմարթֆոնի թեստի արդյունքները։ Գաջետի հիմքում Apple A11 Bionic վեցմիջուկանի պրոցեսորն է, որը հավաքում է ավելի քան 4 000 միավոր՝ մեկմիջուկանի եւ 10 165 միավոր՝ բազմամիջուկանի թեստերում։ Մասնագետները դա համարում են շատ բարձր արդյունքներ՝ այդ տվյալները գերազանցել են 2017-ին թողարկված 13 դյույմանոց MacBook Pro նոութի ցուցանիշները, որը ստեղծված է Intel Core i5 պրոցեսորի բազայի վրա։
Մշակողների կարծիքով՝ բացառված չէ, որ նոր iPhone X-ը դառնա ամենահզոր սմարթֆոնը նման սարքավորումների գոյության պատմության մեջ։ Նշում են, որ Apple –ը կմնա շուկայի առաջատար, քանի դեռ չի հայտնվել Qualcomm Snapdragon 845-ի բազայով սարքավորում։ Սակայն նույնիսկ եթե Qualcomm Snapdragon 845-ի հիմքով մոդելները սկսեն գործել 2018-ին, երաշխիքներ չկան, որ դրանք ավելի որակյալ կլինեն, քան Apple-ի անշրջանակ սմարթֆոնները՝ դեմքի նույնականացման ֆունկցիայով։