Բնապահպանության միջազգային միությունը ձնե ընձառյուծներին հանել է անհետացող տեսակների ցանկից ու ընդգրկել խոցելի տեսակներում։ Ըստ նոր կարգավիճակի՝ նրանք դեռ գտնվում են անհետացման սպառնալիքի տակ, բայց այդ սպառնալիքն արդեն այնքան էլ ուժեղ չէ։ Այս մասին հայտնում է Կարմիր գրքի կայքը։
Նշում են, որ 2008-ին ձնե ընձառյուծները սխալմամբ են հայտնվել անհետացող տեսակների ցանկում։ Անհետացող են համարվում այն տեսակները, որոնց քանակը 2500-ից քիչ է եւ որը վերջին երկու սերունդների շրջանակում կրճատվել է ավելի քան 20 տոկոսով։ Սակայն ձնե ընձառյուծների հաշվարկի ժամանակ անհատների ընդհանուր քանակության փոխարեն նշվել էր պոպուլյացիայի արդյունավետ չափը՝ անհատների թիվը, որն անմիջապես մասնակցում է հաջորդ սերնդի ստեղծմանը։ Մեծահասակ կենդանիների քանակը ընդամենը կազմել է ավելի քան չորս հազար։
Ձնե ընձառյուծները ապրում են Միջին Ասիայի 12 երկրներում ։ Բնապահպանության միջազգային միությունը դրանց քանակությունն այսօրվա դրությամբ գնահատում է 7367-7884 անհատ։ Նրանց համար սպառնալիք են որսագողերը, որոնք սպանում են կենդանիներին հանուն նրանց մորթու։ Մեկ այլ խնդիր է բնակության վայրի կորուստը՝ կլիմայի փոփոխությունների ու մարդկանցով կողմից այդ տարածքների բնակեցման հետեւանքով։
