Հայաստանը գերակատարում է իր պարտավորությունները օզոնային շերտը աղտոտող եւ նյութերի արտանետման կրճատման գործում։ Այս մասին սեպտեմբերի 16–ին՝ լրագրողների հետ հանդիպման ժամանակ, հայտնել է ՀՀ բնապահպանության նախարարության օզոնային շերտի հարցերով ազգային համակարգող Լիանա Ղահրամանյանը։
Ղահրամանյանի խոսքով՝ Հայաստանում ընթանում է հիդրոքլորացված նյութերը օզոնային շերտի համար ավելի քիչ վնասակար նյութերով փոխարինելու ծրագրի երկրորդ փուլը:
«Հայաստանում, երբեք չեն արտադրվել նյութեր, որոնք ազդում են օզոնային շերտի քայքայման վրա։ Այդպիսի նյութեր Հայաստան միայն ներկրվել են։ Հայաստան ներկրված նյութերի քանակը, որը կազմել է 114 տոննա, ամբողջությամբ չի օգտագործվել։ Ավելին՝ ներկրվել է այդ նյութերի ընդամենը 10 տոկոսը»,– մանրամասնել է ՀՀ բնապահպանության նախարարության օզոնային շերտի հարցերով ազգային համակարգողը։
