Երեւանում մահաբեր բիզնեսի ևս մեկ դրվագ է բացահայտվել:
Ոստիկանության աշխատակիցները Նոր Նորքի 2-րդ զանգվածից թմրամոլության կասկածանքով բերման էին ենթարկել նույն համայնքի բնակիչ Վանիկ Քարամյանին: Նրա մոտ հայտնաբերվել է մարիխուանա: Քարամյանը ոստիկաններին պատմել է, թե այն 40 հազար դրամով ձեռք է բերել ոմն Արթուրից: Ոստիկանները, սակայն, պարզել են, որ Քարամյանն այն գնել է Հրազդանի բնակիչ Արտավազդ Հովակիմյանից: Նա հայտնաբերվել եւ բերման է ենթարկվել ոստիկանության բաժին:
Դեպքի առթիվ հարուցվել է քրեական գործ, Արտավազդ Հովակիմյանը կալանավորված է:
Մանրամասները՝ ոստիկանության պատրաստած տեսանյութում:
