Կիբերանվտանգության մասնագետները վիրուս են հայտնաբերել, որին սմարթֆոնները կոտրելու եւ տարածվելու համար բավարարում է միացված Bluetooth-ը եւ ընդամենը 10 վայրկյան, հայտնում է Wired-ը:
Վիրուսը, որը կարող է վարակել, օրինակ, iOS, Android եւ Windows օպերացիոն համակարգերը, ստացել է BlueBorne անունը:
Փորձագետները նոր վիրուսի էֆեկտը համեմատել են WannaCry վերծանող վիրուսի հետեւանքների հետ, որն իր գոյության մի քանի օրում մեկ միլիարդ դոլարի վնաս հասցրեց:
Մասնագետների գնահատմամբ՝ WannaCry-ը վարակել էր ավելի քան 250 հազար համակարգիչներ: