Ֆրանսիացի լրագրող Լու Բյուրոն, որն ավելի վաղ ազատ էր արձակվել Թուրքիայում, վերադարձել է հայրենիք։ Այս մասին հայտնել է «Լրագրողներ առանց սահմանի» կազմակերպության գլխավոր քարտուղար Քրիստոֆ Դելուարը։
«Ստամբուլից ուղեւորված Air France-ի օդանավը, որում գտնվում էր Լու Բյուրոն, վայրէջք է կատարել Շարլ դե Գոլի անվան օդանավակայանում»,- գրել էր Դելուարը Twitter-ում։ Նրա խոսքով՝ լրագրողին օդանավակայանում կդիմավորի Ֆրանսիայի մշակույթի նախարար Ֆրանսուազ Նիսենը, փոխանցում է ՌԻԱ Նովոստին։